LEGAZPI CITY – Pigsiyerto kan Albay Public Safety and Emergency Management Office (APSEMO) na dai na kaipuhan pang mag-ebakwar sa ano man na kalamidad an mga ire-relocate na pamilyang hale sa 6 kilometer permanent danger zone kan Bulkan Mayon.
Segun kay APSEMO Chief Dr. Cedric Daep, an nasa planong disenyo kan pasilidad na lilipatan kan 700 na pamilya, bako arog kan tipikal na relocation unit kundi mas makusog asin dai mararaot nin bagyo, siring man dai pigbabaha an lokasyon asin bako pang landslide-prone.
Kaipuhan nin P250-500M na pondo nganing mareyalisar an proyekto na ipinaagi na man sa Mayon Donors Forum kun sain pigpresentar an plano nganing makatipon nin donasyon hale sa mga nag-atendir na organisasyon gikan sa manlain-laing nasyon.
