ILOILO CITY — Nakataeana nga magpaguwa it Executive Order ro Iloilo City Government nga mag- eatag it guidelines sa pagpaidaeum sa Iloilo city sa Alert Level System umpisa sa buean it Nobyembre.
Una eon nga gin-anunsyo it Inter-Agency Task Force nga napabilang ro syudad nga ipaidaeum sa Alert Level 3 umpisa Nobyembre 1 hasta 14.
Ginpasayud man it pamunuan it Iloilo City COVID-19 team nga hasta makarung adlaw eon lang nga mga travel documents it mga inbound travelers ro andang gin-aprubahan samtang pending pa ro para sa Nobyembre.
Owa anay gin-aprubahan it Iloilo City Emergency Operations Center ro travel documents para sa Nobyembre bangud posibleng may pagbag-o sa guidelines. / ANN DESLENE SALAZAR
