Gipusil-angol sa usa ka lolo ang iyang apo ngadto mismo sa ilang panimalay sa Brgy. Sta.Fe, New Corella, Davao Del Norte kagahapong adlawa.
Giila sa New Corella Municipal Police Station ang suspek nga si Bernabe Pulmadora, 85-anyos samtang ang biktima nga iyang apo nga si Zoren Tabaranza, 27-anyos.
Base sa imbestigasyon sa kapolisan nagsugod ang away sa mag-lolo tungod sa chainsaw human giilisan sa apo ang guide bar niini hinungdan nga nasuko si suspek nga matud pa nanag-iya niini og didto gipusil tumong sa abaga ang biktima gamit ang .357 revolver.
Kasamtangang nagpatambal sa Davao Regional Medical Center sa Tagum City ang biktima samtang si lolo ni-surrender sa kapolisan.
Kasong Frustrated Homicide ang atubangon karon sa suspek.
