Ginklaru ni Mr. John Peter Madula it Solid Waste Task Force Team Leader it LGU Kalibo nga owa sanda nagapundo sa pagpangdakop sa mga naga panigarilyo sa mga pampublikong lugar iya sa banwa it Kalibo.
Ro task force nga ginapangunahan ni Madula hay sigidas nga nagapatuman it Municipal Ordinance No. 2016-008 o (Comprehensive Smoke-Free Ordinance of the Municipality of Kalibo).
Sa interview it Brigada News FM Kalibo kay Mr. Madula, matsa sanda malang ro nabantayan it mga pasaway nga nagasigarilyo partikular sa Kalibo Public Market.
Kung igto segun sanda nagabantay hay owa man it gasigarilyo, pero kung magtalikod sanda hay may una rayon nga nagaabot kanda nga reklamo nga maabu euman ro nagasigarilyo igto.
Sa makarun abi suno kay Madula hay ap-at eang sanda nga enforcer rasun nga nag request imaw sa LGU Kalibo nga dugangan ro andang personnel bisan napueo agud ma-cover nanda ro tanan nga barangay it Kalibo.
Suno kay Madula, maabo ro andang na-apprehend ag napasakaan eon it kaso para masayran it publiko nga seryoso sanda sa pagpatuman it nasambit nga ordinansa. / ANN DESLENE SALAZAR
