Ipinunto ni Senate Committee on Ways and Means, Chairperson, Senador Win Gatchalian na dapat lang magpatuloy ang awtoridad sa pagpuksa sa mga illegal Philippine Offshore Gaming Operator na patuloy pa rin sa kanilang operasyon.
Ito ay kasunod ng naging raid operation sa POGO site sa Bagac, Bataan na pinaniniwalaang sangkot sa crypto scamming at online sports betting scams.
Ayon pa sa senador, pinapakita lang ng bagong police raid ang patuloy na paglabag ng ilan sa kabila ng direktiba ng Pangulo.
Maalala, sa nakaraang State of the Nation Address ng Pangulo inanunsyo nito ang tuluyang pag-ban o pagbabawal sa mga POGO sa bansa.
