Istriktong ipatuman sa lokal nga panggamhanan sa Davao ang RA 10586 kon Anti-Drunk and Drugged Driving Act of 2023.
Kini human sa pagturnover sa unom ka mga alcohol breath analyzers ngadto sa Davao City Police Office – Traffic Enforcement Unit (DCPO-TEU)
Pinaagi niini, dali na lamang masuta ang driver nga nagmaneho nga lango sa ilimnong makahubog, ilegal nga droga, ug uban pang susamang substances.
Gibutyag ni PCol. Rolindo Suguilon, Officer-in-Charge sa DCPO nga ang pagpatuman sa R.A. 10586 naghatag ug gibug-aton sa dedikasyon sa DCPO aron pugngan ang mga badlungon labi na ang mga motorista sa syudad.
Personal nga gitunol ni Davao City Mayor Baste Duterte ang breath analyzer kits ngadto kang PCol. Suguilon.
Samtang, gi-otorisa sa Land Transportation Office XI (LTO XI), pinaagi ni Regional Director Eleonor Caldero ang 120 ka mga personahe sa TEU ug DCPO nga maoy magpatuman sa RA 10586.
Gipasalig ni Calderon nga pinaagi sa istriktong pagpatuman sa maong balaud, masiguro nga luwas ang kadalanan sa syudad alang sa matag Dabawenyo.