Anay kapitan sang Candoni nga sa karun DAR employee, ginluthang-patay sa Sipalay

-Reymund Titong

KABANKALAN CITY, Negros Occidental — Patay ang anay kapitan sa banwa sang Candoni kag sa karun empleyado sang Department of Agrarian Reform-2 (DAR-2) matapos gin-luthang sa Purok Sandia, Barangay Mambaroto, syudad sang Sipalay City, takna las-8:35 sang aga, adlaw ang Lunes, Hulyo 8.

Ginkilala ang biktima kay Andre Marie Pajarillo, 57-anyos kag residente sang Barangay East, sa banwa sang Candoni.

Sa inisyal nga imbestigasyon sang mga kapulisan, naga-drive ang biktima sang iya motorsiklo nga XR125 padulong sa syudad sang Sipalay sang hinali na lamang ginluthang ini sang wala pa makilal-an nga suspetsado.

Nakaangkon ang biktima sang duha ka igo sang bala sa iya nga ulo, nga ginapatihan igo sang Caliber 9mm, base sa mga narekober nga imbidensya sa lugar.

Ginhingagaw pa dala ang biktima sa Sipalay City Health Office, apang gindeklarar ini nga dead on arrival. Sa karun, blangko pa ang mga kapulisan sa motibo sang pagpatay.*

Leave a Reply

Your email address will not be published. Required fields are marked *