Patay ro an-um ka dag-on nga unga nga laeaki samtang ninahan man ro 11-anyos nga magueang matapos ginbaril it andang tiyo sa Brgy. Panalian, Maasin, Iloilo.
Ginkilaea ro suspect nga si Samuel Motivo, sa legal nga edad ag residente it nasambitan nga barangay.
Base sa panaysayon it Maasin MPS, gin-adtunan it suspect ro anang maguaeang ag tatay man it daywa ka unga.
Pag-abot sa baeay, bigla eun eamang raya nga nagpa-eupok it baril ag gintamaan ro daywa ka unga nga nagahampang sa balkonahe.
Nasayuran nga bago ro insidente, may uwa pagkaintindihan ro tatay it mga unga ag suspect bangud segun sa baeayran sa kuryente.
Sa makara nakadetain si Samuel sa Maasin MPS ag nagahueat it kaso nga ipasaka kuntra kana./JIL B. LACSON
