Sikop sa mga sakop sa Ecoland Police Station ang usa ka top 7 drug watchlist sa syudad atol sa drug buy-bust operation, pasado alas 10:00 sa gabii, Mayo 23, 2024 sa S.I.R New Matina, Brgy 76-A ning syudad.
Giila sa kapulisan ang dinakpan nga si alyas Marlon, 41 anyos, minyo, pintor nga residente sa nahisgutang lugar.
Nasikop matod pa ang suspek human kini napalitan og pakete sa gituohang shabu sa operatiba mga nagpakaarun ingnung mamalitay og iligal nga droga.
Atol sa operasyon, nakuha sab kaniya ang lain-laing gidak-on nga pakete sa gidudahang shabu, pinaugang dahon sa marijuana ug usa ka 38 caliber revolver.
Sa kinatibuk-an, nakumpiska sa nahisgutan ang Php66,028 kantidad sa shabu ug Php27,213.6 sa marijuana.
Balhog na karon sa Ecoland Police Station ang maong dinakpan ug gihikay na ang kasong paglapas sa R.A 9165 kon Comprehensive Dangerous Drugs Act of 2002 ug R.A 10591 kon Comprehensive Firearms and Ammunition Regulation Act.
