Itinanggi ni alyas “Cath” na siya ang tinutukoy na doppelganger ng na-dismissed na mayor ng Bamban, Tarlac na si Alice Guo.
Matatandaan kasi na lumabas sa telebisyon na siya ang sinasabing body-double ng Mayora.
Ayon sa National Bureau of Investigation (NBI), gusto ni Cath na malinis ang kanyang pangalan dahil natatakot ito sa kanyang seguridad.
Sinabi ni Cath na siya ay naging kalihim lamang ni Guo.
Samantala, inamin naman ng alkalde na nagtrabaho nga si Cath sa kanya pero hindi ibinigay ang totoo nitong pangalan.
