Pinangunahan ni Deputy Speaker Congressman Antonio Tonypet Albano ang distribusyon ng allowance at bigas na tulong sa mga BRO-Ed scholars mula sa mga bayan ng Cabagan, San Pablo at Santa Maria Isabela noong Linggo.
Umaabot sa 2,565 BRO-Ed scholars ang nakatanggap ng kanilang allowance para sa 2nd semester ng 2022-2023 na nagkakahalaga ng P7.78 million, habang 3,269 na BRO-Ed scholars ang nakatanggap ng kanilang educational assistance para sa 1st semester ng AY 2023-2024 na nagkakahalaga naman ng 9.9 million pesos.
Dumalo sa aktibidad sina Board Member Emmanuel Joselito B. Añez, Board Member Evyn Jay C. Diaz, at mga matataas na opisyal ng nasabing bayan.
