Malaki ang posibilidad na mapalawig pa hanggang sa Oktubre ang ipinapatupad na pilot implementation ng bagong alert level system sa National Capital Region.
Ayon kay Interior Undersecretary Epimaco Densing III batay sa inisyal na pag-uusap ng IATF, may indikasyon na magtuloy-tuloy ang pagpapatupad ng alert level 4 hangang sa susunod na buwan.
Inihayag ni Densing na nakikita umano ng IATF ang epekto ng bagong lockdown system hindi lang sa aspeto ng kalusugan kundi pati na rin sa usapin ekonomiya.
Maliban dito may posiblidad din na palawakin pa ang alert level system sa ibang mga probinsiya sa labas ng Metro Manila.
Nilinaw naman ni Densing na maari itong ipatupad sa mga pilot provinces at mga highly-urbanized city.
