Dumalo ang Albay Police Provincial Office sa isinagawang 4th Quarter PPOC/PADAC Joint Full Council Meeting sa Albay Astrodome, Legazpi City nitong nagdaang araw, kung saan pinangunahan ito ni Albay Gov. Edcel Grex Lagman kasama sina PCOL. Fernando Cunanan, Jr., at PLTCOL. Dixon Berango.
Tinalakay sa pulong ang mga update sa pagpapatupad ng mga plano at programa ng kani-kanilang ahensya sa peace and order, anti-illegal drugs campaign, at pagpapatupad ng Enhanced Comprehensive Livelihood Integrated Program (ECLIP) ng Local Government Units, DILG, PNP, AFP-PA, PDEA, at PSWD.
Kabilang sa mga highlights ng aktibidad ay ang mosyon na ginawa ng Over-all Coordinating Chairman, Dr. Cedric Daep, sa pagbalangkas ng isang resolusyon na nagpupuri sa Albay PPO sa mahigpit na pagpapatupad ng Local Traffic Codes sa pamamagitan ng sinimulan nitong programa na tinawag na Kaayusan sa Daan, Mabagal na Sasakyan Manatili sa Kanan, na malaki ang naiambag sa pagtaas ng kita ng lalawigan para sa kasalukuyang taon.
Sa presentasyon ng mga crime statistics at mga accomplishment, inihayag ni Berango ang pangako ng kapulisan na gawing ligtas at maganda ang lalawigan sa tulong at suporta ng komunidad sa pamamagitan ng aplikasyon ng Peace and Security Framework ng PNP, ang Malasakit, Kaayusan, Kapayapaan, tungo sa Kaunlaran (MKK=K) at ang ROaD to K (Kaunlaran) program ng Regional Director ng Police Regional Office 5.
