LEGAZPI CITY – Gigibuhon sa probinsya kan Albay an 96th National Assembly para sa League of Vice Governors of the Philippines sa Pebrero 28 sundo Marso 2, 2024.
Ini an sinabi ni Vice Governor Glenda O. Bongao kan Sangguniang Panlalawigan kan Albay sa Brigada News FM Legazpi.
Segun kay Bongao, dakulang tabang ini sa probinsya orog na pag-abot sa sektor kan turismo, huli ta bako sana mga bise gobernador an mga mapasiring digdi kundi pwedesir man sindang mag-iba nin pamilya asin security personnels.
Saro sa mga pag-oorolayan sa aktibidad an best practices kan probinsya, kun saen zero casualty sa lambang kalamidad, mga proyekto asin kadakol pang iba.
Nagtutubod si Bongao na kaya man gibohon kan probinsya kun anuman an ginigibong best practices asin entertainment.
Mientrastanto, dae pa su boot masabi kun an 82 na mga bise gobernador sa nasyon an maaratendir, alagad piglalaoman nindang labi 40 mga bise gobernador an posibleng magpasiring digdi.
An League of Vice Governors of the Philippines, pigsasagibo quarterly sa manlain-manlain na lugar sa nasyon.
