LEGAZPI CITY – Naitala ang labingwalong mga kaso ng COVID-19 sa lalawigan ng Albay kahapon batay sa ulat ng Albay Provincial Health Office (PHO).
Sa datos ng tanggapan, parehong apat na kaso ang naitala sa Daraga at Legazpi City; tatlo sa Tabaco City; dalawa sa Pio Duran, habang tig-iisa naman sa Bacacay, Malinao, Polangui, Sto. Domingo at Tiwi.
Anim sa mga nagpositibo ang kasalukuyang naka-quarantine ayon sa PHO, tigdalawang admitted at in-patient, samantalang walo naman sa ngayon ay inaalam pa ang status.
Paalala ng nasabing tanggapan, sumunod sa mga ipinatutupad na health protocols at magpabakuna upang maiwasan ang hawaan o ang pagkalat ng naturang sakit.
