LEGAZPI CITY – Kinumpirmar kan National Nutrition Council (NNC) Bicol na sa anom na probinsya kan rehiyon, solamenteng a Albay an may pinakahababang prevalence asin numero kan mga aking stunted o bansot kan taon 2023.
Sa intrevista kan Brigada News FM Legazpi kay NNC Bicol Regional Director Arlene Reario, sinabi niya na bako sana kan nakalihis na taon nahilingan nin pagbaba sa Albay, kundi magin kan mga nakaaging pang taon, igwa naman ki pagbabago huli ta napakarhay na an mga programa sa lokal na gobyerno asin sa mga barangay pag-abot sa nutrisyon.
Alagad, segun saiya, may mga lokal na gobyerno pa man giraray na halangkaw an numero pag-abot sa malnutrisyon sa Albay, partikularmente sa banwaan kan Jovellar asin Rapu-rapu.
Sa ngunyan, pigtutukan naman ini kan Provincial Nutrition tanganing lalong mabawasan o maibaba an numero kan mga stunted na mga aki.
