LEGAZPI CITY – Tinawan-doon ni Albay Governor Edcel “Grex” Lagman na mahigot niyang pigkokondenar an surunod-sunod na nairehistrong mga kaso nin panggagadan sa mga opisyales ki barangay sa banwaan kan Libon.
Sa pahayag kan gobernador, sinabi niya na apwera sa pinakaultimong kaso nin panggagadan sa banwaan kun sain binadil an barangay kapitan kan San Jose na si Alex Repato, pigkokondenar pa niya an siring na insidente kay Kagawad Rellosa Mata asin sa agom kaning si Kapitan Alfredo Mata kan Brgy. Nogpo, magin man kay Kapitan Oscar Maronilla asin Kagawad Salvador Olivarez kan Brgy. San Pascual.
Huli kaini, nakatalaan nang makipag-olay si Lagman kay Presidente Ferdinand “Bongbong” Marcos, Jr. katakod kan nasambit na mga insidente.
Segun sa gobernador, nagtutubod siya na dai maduwa-duwa an presidente na tabangan an probinsya na maresolberan an siring na krimen.
