LEGAZPI CITY – Tuloy-tuloy ang pamamahagi ng mga pagkain ng Albay Food Bridge Program para sa mga bakwit ng Bulkang Mayon sa mga evacuation center sa lalawigan.
Ang Food Bridge Program ay isa sa mga programa ng Pamahalaang Panlalawigan ng Albay na naglalayong magbigay ng tuloy-tuloy na tulong sa mga bakwit na apektado ng Mayon.
Namahagi naman kahapon ng mga sariwang gulay, isda, at produktong pinatuyong isda sa Malilipot at Tabaco City sa ilalim ng nasabing programa.
Kasama sa mga namahagi kahapon sina Senador Bong Go at si Albay Governor Edcel Greco Lagman na silang gumagabay sa kaganapan.
Ayon naman kay Lagman, masaya siya na makabisita sa mga evacuation center na may dalang kumpletos rekados na ayuda.
Ipinahayag din ni Lagman ang kanyang pasasalamat kay Sen. Bong Go para sa pangako nItong pagsuporta sa Assistance to Individuals in Crises Situations (AICS) upang matulungan ang mga evacuees.
