Kulong sa Tangalan Municipal Police Station ru akusado matapos serbihan it warrant of arrest it mga otoridad sa Tangalan, Aklan.
Nakilaea ru akusado nga si Jefril Talamanisan, 25 anyos ag residnete it Brgy. Baybay, Tangalan.
Naga pangatubang it criminal case no.1626 –B sa kasong Reckless Imprudence Resulting to Homicide nga gin issue ni Presiding judge Wilfredo Pasyente it Municipal Trial Court it Makato-Tangalan.
Naga balor it P60 mil nga pyansa ru gin taeana it korte para sa kahilwayan it akusado.
Gin pasaka ru kaso kontra sa akusado matapos nga uwa magtuman it obligasyon sa gin kasugtanan parikular ru pag bayad it gastos it nasunggaban sa motorsiklo.
Kun matandaan, aksidenting hasungganan patay it motorsiklo nga gina maneho it akusado nga si Germinigildo Yatar, 67 anyos it Tangalan , Aklan ku nagtaliwan pa nga dag-ong 2021.//MARIVIC Y. ILIN
