Nakalatag eon ru mga aktibidad para sa besperas it Opening Salvo it Kalibo Ati-atihan nidunang gabie, October 7.
Raya ru kompermasyon ni Brgy. Kagawad Mark Sy, spokesperson ni Kalibo Mayor Juris Sucro.
Alas 6:00pm, maga unpisa ru PASIKLABAN dance contest, DJ for Disco sa Pastrana Park, Kalibo.
Hin-agat alas 6:00am, paga himu-on ru ZUMBA, paga sundan it Santos nga Misa bandang alas 8:00am.
Samtang, sa alas 3:00pm, 2 ka grupo it Banda ru maga tukar sa corner 19 Martyr St. ag dayon Sadsad sa Kalye.
Sa ala 5:00pm, iga pahayag ni Kalibo Mayor Juris Sucro ru mga hinimu-an sa sueod it 100 days.
Paga buytan man it alkalde ru imahe ni Sr. Sto. Nino ag dayon iga singgit ru “Viva kay Sr. Sto. Nino”.//MARIVIC Y. ILIN
