Ginsapinal eun it Aklan Electric Cooperative (AKELCO) ro desisyon kara nga indi eun i-renew ro andang business contract sa Global Business Power Corp.
Ro nasambitan nga kontrata hay angot sa power plant it Global Business Power Corp sa Barangay Mabilo, New Washington, Aklan.
Base sa AKELCO, ro nasambitan nga planta hay uwa haeos ginagamit bangud masyado nga magastos kung raya hay maga-operate ag nakadugang eamang it extra charges sa mga member-consumer it AKELCO.
Dugang pa it taetapan, indi man raya makata-o it benepisyo sa mga miyembro it kooperatiba./JIL B. LACSON
