Aklan Vice Governor Atty. Reynaldo M. Quimpo, nagpaguwa it pahayag kaangot sa pagre-file ag pag-withdraw it House Bill No. 1085

Nagpaguwa it statement si Aklan Vice Governor Atty. Reynaldo M. Quimpo kaangot sa pagre-file ag pag-withdraw it House Bill No. 1085 nga nagaduso it pagkrear it Boracay Island Development Authority (BIDA) as a Government-Owned and -Controlled Corporation (GOCC).

Sa ginpaguwa nga pahayag it Bise Gobernador, ro bilog nga miyembro it Sangguniang Panlalawigan it Aklan base sa SP Resolution No. 2022-040 hay hugot nga pagpamaeabag sa HB No. 1085 or The BIDA 2.

Suno pa kay Vice Governor Quimpo, ro mga Aklanon hay indi ag indi pwedeng maging mataeaw sa pagpasakop ag padayun nga ipakigsukoe ag protektahan ro atong mga kinamatarung ag interes sa isla it Boracay.   

Matandaan nga sa ginpatigayun nga 6^th Regular Session it SP-Aklan, gin-aprubahan ro Resolution No. 2022-048 nga naga deklarang Persona Non Grata sa probinsya it Aklan, ro tatlong kongresista halin sa CamSur ag Representative it Bicol Saro partylist.

Ro nasambit nga mga kongresista ro mga proponent it HB No. 1085.

Ginklaro man ni Quimpo nga ro andang naging desisyon sa SP Aklan nga aprubahan ro Resolution No. 2022-048, hay in good faith ag sa handum nga protektahan ro kinamatarung ag interes it pumueuyo ag ku probinsya it Aklan. / ANN DESLENE SALAZAR

BNFM Kalibo