Agud mas madugangan ro produksyon it pagkaon sa probinsiya it Aklan, ro Department of Agriculture (DA) sa Western Visayas hay nagta-o ku kan-o eamang it P1-million greenhouse facility nga may hydroponics sa Aklan State University (ASU).
Ro Hydroponics hay sambilog ka pamaaagi it pagpatubo it mga tanum sa sueod it baeay nga uwa nagagamit it anuman nga eugta. Kundi ginabuoe it mga tanum ro importante nga nutrisyon paagi sa sambilog ka nutrient solution nga ginabutang sa andang ugat.
Ro fresh lettuce ro unang greenhouse crop nga gin-ani halin sa nasambitan nga proyekto.
Ro greenhouse facility hay parte it Bayanihan 2 project it DA agud mataw-an it sustainable, accessible, ag abot-kaya nga mga lokal nga pagkaon.
Ginhambae man ni Dr. Emily Arangote pangulo it ASU nga ilunar nanda ro proyekto sa mga mangunguma it Aklan agud madugangan ro andang kita ag mapanami ro produksyon it pagkaon sa probinsiya./JIL B. LACSON
