Ginpaeawig pa it Aklan Provincial Government pinaagi it Provincial Human Resource Management Office (PHRMO) ro Mental Health Program kara sa Local Government Unit it Malay.
Raya hay matapos nga magpatigayun it Psychological Support Session partikular eon sa mga Boracay Beach Guards.
Tinutuyo kara nga makatao it manami nga kahigayunan agud mai-share ro andang problema ag pag-eaom.
Nag-share man sanda sa mga nagpartisipar it pilang paagi agud ma-manage ag maintindihan ro stress. / ANN DESLENE SALAZAR
