Umapela si Aklan PDEU Chief Lieutenant Colonel Frenzy Andrade nga punduhon eon kunta ro paggamit ag pagbaligya it illegal nga droga bangud nakakasamad raya bukon eang it pamilya kundi mismong imbolbado sa illegal drugs.
Raya ro anang pahayag sa interview kana it Brigada News FM Kalibo kaangot sa pagkaaresto sa sangka drug suspek nga si Manolo Cenon 53 anyos ag residente it Brgy. Tamalagon, Tangalan, Aklan.
Naaresto si Cenon kaina sa sangka lodging house sa Brgy. Bulwang, Numancia, Aklan.
Naboe-an raya it daywang sachets it suspected shabu kabaylo it P3,000.
Suno kay Col. Andrade, ro suspek nga sangka street level individual hay dati eon nga naaresto ku 2014 ag nag avail it plea bargaining pero uman raya nga naaresto makarung adlaw.
May daywang buean man segun nanda nga ginmonitor si Cenon nga ro pirmeng ginarasun hay nagagamit eang o drug user.
Nasayuran man nga ro area of operation ni Cenon hay ro Malay, Tangalan, Numancia ag Kalibo ag kaabuan segun sa mga parokyano kara hay dating drug surrenderee.
Nagabuoe man segun raya it suplay it droga sa guwa it Aklan ag nagabaligya it retail o tingi. // ANN DESLENE SALAZAR
