Nabuoe ni Aklan Governor Jose Enrique ‘Joen’ Miraflores ro ikaywang pwestu sa may pinakamataas nga job performance rating sa mga gobernador sa Western Visayas.
Base sa ginpatigayun nga survey it RP-Mission and Development Foundation Inc. (RPMD) nabuoe ni Governor Miraflores ro Top 2 spot nga may (87.25%) Job Performance Ratings.
Suno kay Dr. Paul Martinez, Executive Director it RPMD, nagapatigayun sanda it regular assessments sa mga gobernador sa kada probinsya para masayran kung nagasunod ro mga lider sa good governance, accountability, transparency ag effective resource management.
Ro RPMD Boses ng Bayan hay may partisipante nga nagaabot sa 10,000 randomly registered voter respondent it Western Visayas. // ANN DESLENE SALAZAR
