Ginbutang it Commission on Elections (Comelec) ro probinsya it Aklan sa “green category” bago pa ro Barangay ag Sangguniang Kabataan 2023 elections.
Nag ubra ro poll body it color coding para matumod ro election hotspots kung raya hay dapat ibutang sa mga kolor nga green, yellow, orange ag red.
Kung sa “Green category” ro sangka lugar, ro buot hambaeon kara hay owa it dapat nga ikabaeaka bangud raya hay matawhay ag maayos ro sitwasyon it area.
Sa makarun hay owa it nailistang poll-related violence o election hotspot sa Aklan, suno kay Aklan Comelec spokesperson Chrispin Raymund Gerardo. // ANN DESLENE SALAZAR
