Sambilog ka manami nga balita raya sa mga indibidwal nga gusto magbisita sa probinsiya it Aklan bangud sambilog pa ka travel requirement ro ginbasura it gobyerno probinsiyal; ro Notice of Coordination o Travel Authority halin sa local government unit (LGU) it andang destinasyon.
Pero,ro mga lokal nga biyahero hay kinhangean gihapon nga makaregister sa Online Health Declaration Card para makagenerate it quick response (QR) code.
Ginpasugtan man it Aklan ro mga lokal nga turista nga magsuoed sa isla it Boracay kung may una sanda nga proof of vaccination ag confirmation of accommodation sa andang pagbakasyon sa isla.
Samtang, ro mga biyahero nga uwa pa nabakunahan o partially vaccinated hay dapat maka-sumite it negative swab o saliva test.
Indi man kinahangean pa magpa-idaeom sa quarantine ro mga bisita sa pagsuoed sa Isla it Boracay./JIL B. LACSON
