Tiniyak ng Department of Social Welfare and Development (DSWD) na tuloy-tuloy ang pamamahagi ng relief items para sa mga biktima ng bagyong Odette.
Ayon kay DSWD Spokesman Dir. Irene Dumlao kasalukuyan nagsasagawa ng repacking ng mga relief goods upang masigurong hindi mawawalang ng resources ang mga LGUs.
Nakikipag-ugnayan na rin umano ang DSWD sa Philippine Coast Guard para ma-transport ang relief goods sa mga lugar na nangangailangan.
Inihayag naman ni Dumlao na mahigit ₱1.5-M halaga ng ayuda ang naipamahagi na ng DSWD.
Sa ngayon sinabi ni Dumlao na patuloy silang nakikipag-ugnayan sa mga LGU para makahanap sa kanilang lugar na maaaring pagtayuan ng temporary shelters o camp-like shelters para sa mga nasalanta ng bagyo.
