Krusyal ang gihuptang papel sa mga personahe sa Santiago Municipal Police Station pagpanguna ni PMAJ MARK WAYNE M UBERTO, ang OIC, sa buhatan, sa seguridad sa implementasyon sa stoppage order nga di’ pa lang dugay gipagawas sa probinsyal nga panggamhanan sa Agusan del Norte batok sa illegal mining operations sa lungsod sa Santiago.
Alayon niini, hugot nakig-koordinar ang kapulisan sa provincial government sa lalawigan, sa Department of Environment and Natural Resources (DENR), og sa Local Government Unit sa lungsod sa Santiago.
Tumong niini mapatuman ang mga balaud nag-protiher sa kinaiyahan og integridad sa mga komunidad, pinaagi sa hugot nga pagpatuman sa kamandu-an pagpahunong sa dili otorisado o iligal mining operations sa Tagnokon, Sitio Kasagayan, Pangaylan-IP, sa lungsod sa Santiago, Agusan del Norte, nga naghatag hulga sa kinaiyahan og seguridad sa lokal nga mga komunidad sa nahisgutang mga lugar.
