Ginlunsyar sang Capiz State University ang ila Agribusiness Incubator nga nahamtang sa barangay Burias, banwa sang Mambusao.
Ang CAPSU-ABI isa ka pasilidad nga maga-tudlo sa mga indibidwal nga mangunguma kag mga mangingisda pinaagi sa incubation program. Ini isa ka programa kon sa diin gina tudluan ang mga ini sang taktika nga mapa-umwad ang ila mga negosyo.
Ginhiwat ang launching kasunod sang pagkabaton sang funding gikan sa Department of Agriculture – Agricultural Competitiveness Enhancement Fund ukon ang (DA-ACEF).
Nagtambong sa nasambit nga seremonya sanday Vice Governor James Magbania, 2nd District Representative Inday Baby Jane Tan-Castro kag mga opisyales sang CAPSU sa pagpanguna ni Dr. Editha Alfon.
