Arestado ang 3 ka mga persona matapos nadakpan sa akto nga nagapatigayon sang illegal fishing ukon ‘TRAWL’ sa kadagatan nga sakop sang Panay, hapon sang Hunyo 28.
Ginkilala ang mga nagkaladakpan nga sanday JR Dela Cruz (Boat Captain) 37-anyos, mga crew sini nga sanday Johnmark Astoria 21-anyos kag Rowel Abuol 31-anyos lunsay mga residente sang Barangay Libas, siyudad sang Roxas.
Nakumpiskar sa ila ang 1 ka unit sang pump boat, 1 ka unit sang
4DR5 Diesel engine, fishing net kag ginabulobanta indi masobra sa 15 kilos nga mga isda.
Sa karon, nagapabilin ang mga ini paghinakop sang MENRO-Panay para sa nagakaigo nga disposisyon kag magapangatubang ang mga ini sang kaso nga paglapas sa Municipal Ordinance No. 03-02 series of 2003.//KMD Gicalde
