Wi-nelcome ng Armed Forces of the Philippines (AFP) ang paglalaan ng Estados Unidos ng $500 million na foreign military financing para sa Pilipinas.
Ayon kay AFP Spokesperson Col. Francel Margareth Padilla , patunay lamang nito ang matatag na suporta ng US sa pagpapahusay ng kakayahan ng AFP at Philippine Coast Guard.
Ito’y upang masiguro ang epektibong pagtupad sa kanilang misyon sa pag depensa sa teritoryo at pagpapanatili ng isang malaya at bukas na Indo-Pacific Region.
Ipinaubaya naman ni Col. Padilla sa Department of National Defenseang iba pang detalye tungkol sa naturang tulong-militar.
Nauna nang tiniyak ng US ang commitment ng bansa na ipagtanggol ang Pilipinas sa anumang mga posibleng pag-atake.
