NAGKASINABOT ang kapulisan ug kasundalohan sa Soccksargen region nga mas pakusgan ang alyansa. Tumong makamugna og estratehiya aron batukan ang terorismo ug kriminalidad.
Kini ang gibutyag ni Police Brig. Gen. Jimili Macaraeg, director sa Police Regional Office (PRO) 12 sa pulong kauban ang Armed Forces of the Philippines (AFP) sa Sultan Kudarat.
Dungan sa ulahing insidente sa pagpamomba nga natala sa rehiyon nakalabay’ng semana nga gikasamad sa pito ka pasahero sa bus. Matud ni Macaraeg, ang gihimong tactical alliance ang aron matubag ang ugat hinungdan sa terorismo ug kriminalidad sa rehiyon.
Buot masiguro sa kapulisan ang mamintina ang kahapsay ug kalinaw sa rehiyon ug masigurong dili na masubli ang insidente.
Gawas kang Macaraeg, naa sa pulong si Major General Alex Rillera, commander sa 6th Infantry Division (ID) Philippine Army. Kahibaloan nga padayong giimbestigahan sa kapulisan ang motibo sa maong panghitabo. I Richel Gubalani
