Nagpasalamat ang Armed Forces of the Philippines sa suporta ng international community sa karapatan ng Pilipinas sa South China Sea.
Nauna nang kinondena ng Estados Unidos, European Union, Japan, South Korea at Australia ang paggamit ng China ng water cannon laban sa mga supply vessels ng Pilipinas na naglalayag naman sa loob ng exclusive economic zone ng Pilipinas.
Ayon kay AFP Spokesperson Col. Medel Aguilar, malaking bagay ang suporta ng mga nabanggit na bansa sa tumitinding tensyon ngayon sa West Philippine Sea.
Maalalang sinabi ng Philipine Coast Guard na malaking factors ang pressure mula sa ibang bansa para mabawasan ang agression ng China sa mga pinagtatalunang isla sa WPS.
