Nagdeploy ro Armed Forces of the Philippines (AFP) ag Philippine National Police (PNP) it linibo nga tinawo sa bieog nga Western Visayas para masiguro nga mahilway ro eleksyon sa Mayo 9.
Ro Police Regional Office 6 (PRO-6) hay may 13,000 ka mga kapulisan para masiguro ro kaeuwasan it publiko sa mga polling precinct.
Base sa pahayag ni PRO-6 Police Lieutenant Arnel Solis, may una sanda nga ginahiwat nga mga checkpoint ag saturation drive.
Samtang sa bahin man it Philippine Army’s 3rd Infantry Division (3ID) masobra 5,000 ka suldado ro gindeploy para magbulig sa pulisya, kapin pa sa mga lugar nga may problema sa insurhensya./JIL B. LACSON
