Gipaklaro sa Alliance of Filipinos For Freedom and Informed Choice (AFFIC) ang billboard nga ilang gibutang sa dalang JP Laurel Ave. ning syudad nga gipatanggal sa lokal nga kagamhanan.
Gikanayon ni Pastor Cherry Patino sa AFFIC, sa pakighinabi sa Brigada News Fm-Davao, nga ang nasampit nga billboard ang wala ga-awhag nga dili pabakunahan sa mga ginikanan ang ilang mga anak kong dili huna-hunaon lamang sa makadaghan ang posibleng epekto niini.
Dako sab ang pagtoo ni Patino nga wala sila nakasupak sanglit anaa kini sa balaud particular na sa Section 8 sa Republic Act No. (RA) 11525 o Covid-19 Vaccination Program Act of 2021 nga dili mandatory alang sa pagtungha sa kabataan ang pagpabakuna.
Kahinumdoman nga gipatanggal sa Davao City Covid 19 Task Force ang nasampit nga sumala pa anti-covid 19 vaccine propaganda materials nga siyam ka adlaw nang nagbarug, nga unta duha ka semana kining naka-kontrata.
Gitataw sab ni Patino nga dili tinood ang giingon sa usa ka media outlet nga gikuha ang ilang kabahin kalabotan sa billboard sanglit wala silay nadawat nga mensahe sa inbox.
Naglaum pa gihapon si Pastora Cherry nga respetohon sa lokal nga kagamhanan kung unsa man ang ilang gibarugan kauban ang mga ginikanan nga maoy nagtampo-tambo aron nga mapabarug ang nasampit nga billboard.
‘Klaro man sa among gipahayag sa billboard, wala mi gilapas nga balaud, wala kami nag-ingon nga kami mubabag sa inyong programa, ang amo lang unta ihangyo kaninyo nga bana-banaa ug balanseha ninyo ang mga nabiktima na niining experimental nga bakuna’,Cherry Patino. BNFM-Davao
