Ginpahayag ni Kalibo Mayor Juris Sucro nga sa idaeom it anang administrasyon, mas magiging madasig pa ro pag-release it mga business permits sa mga negosyante it Kalibo.
Base sa ana, sikapon nanda nga ipaguwa ro nasambitan nga dokyumento sa suoed eamang it 24 oras. Ipa-apas eun eang ro iban nga requirements agud malikawan ro pila ka adlaw nga pagproseso kara.
Maliban pa dikara, gintalakay man nana ro pagpahaba it vaccination hours sa banwa, pagpaeapad it edukasyon ag sports development sa mga kabataan, ag pagdugang it mga resources it Kalibo paagi sa pagkumbinse sa mga investors./JIL B. LACSON
