Gipamulong ni Cebu City Acting Mayor Raymond Alvin Garcia atol sa kalihokan nga Regional Housing Visit and Roadshow nga gipahigayon didto sa Cebu City Sports Club nga iyang gipaningkamutan nga mapangitaan og pamaagi nga wala nay mga informal settlers, o mga nagpuyo dinhi sa dakbayan sa Sugbo sa luna nga dili ilaha, nga mao sab ang panglantaw sa lokal nga kagamhanan
Ang maong kalihokan gitambongan sa mga sakop sa Organization of Socialized and Economic Housing Developers of the Philippines, Inc.
Giangkon usab ni Acting Mayor Garcia nga lisud makab-ot ang mao iyang pangandoy alang sa siyudad sa Sugbo tungod sa kamubo sa unom ka buwan nga iyang pagserbisyo isip acting mayor.
Apan iyang gi-ampo ug gipanghinaot nga matuman kini pinaagi sa pakigtambayayong ug panabang sa mga housing developers, PAGIBIG, ingon man sa Department of Human Settlements and Urban Development
Dugang niya nga sulod sa iyang termino mapun-an pa ang pagtukod og medium-rise nga mga building alang sa kabus nga mga taga-dakbayan, sama sa gihimo sa Cebu Land Masters Inc. sa Brgy. Lorega San Miguel nga dako kaayo og tabang sa suliran sa housing sa dakbayan.
Gipanglantawan niya nga ipatuman na dinhi sa dakbayan sa Sugbo ang 4 PH Housing Program sa administasyon ni Presidente Ferdinand “Bongbong” Marcos, Jr. | Henry Luke Vestil III
