Para madugangan ro kasayuran it mga Accommodation Establishments it Banwang Kalibo angot sa mga Tourist Attractions, ginpa-abot ni SB Member Ronald Marte sa Tourism and Cultural Affairs Division TCAD nga ipa-idaeom sa Training on Tourist Information and Guiding Services ro anda kara nga mga empleyado.
Suno kay SB Marte, dapat nakasayud gid ro mga Empleyado it mga Hotels ag Restaurants kun ano ag siin ro mga Tourism Attractions nga sarang nanda ika-rekomendar sa andang mga kustomer.
Gindugang pa ku Konsehal nga magserbe pa gid sanda nga mga Local Tourism Ambassador.
Ginpa-abot man ni Vice Mayor Cynthia Dela Cruz nga himuon nga kaparte it Orientation ku mga Hotels, Restaurants ag mga Tricycle Drivers sa andang man nga empleyado ro mga Tourism Sites it Banwa.
Ginrekomendar man ni SB Member Matt Aaron Guzman nga i-eakot man ro mga manugturo ku mga Eskwelahan nga may Kurso kamana it Hotel and Restaurant Management sa pagahiwaton nga paghanas. // ANN DESLENE SALAZAR
