Madaling araw pa lamang ay pumila na ang maraming mga magulang at estudyante sa DSWD Extension Office sa Olongapo City.
Ito ay para makakuha ng Educational Assistance na ibinibigay ng Department of Social Welfare and Development.
Dahil sa haba ng pila, ayon kay DSWD Provincial Team Leader Rosemarie Hebron, nagcut-off na ng alas syete ng umaga.
Maging sa Zambales Sports Complex, ay dumagsa rin ang mamamayan na nais makakuha ng tulong mula sa gobyerno.
Nakiusap ang kagawaran sa mamamayan na kung hindi naakomoda ngayong araw ay maaari namang magsumite ng requirements mula Lunes hanggang Byernes at hintayin ang schedule na ibibigay para sa pay out.
Ang pay out ay gagawin tuwing araw ng Sabado hanggang sa September 24.//Jen Bayot-BNFM OLONGAPO
