LEGAZPI CITY – Inilunsad kaninang umaga ng Department of Health (DOH) Bicol ang PINASLAKAS Vaccination sa isang mall sa lunsod ng Legazpi sa lalawigan ng Albay.
Pinangunahan niDOH Bicol Regional Director, City Government ng Legazpi at ng iba pang mga opisyal ng gobyerno.
Sa panayam ng Brigada News FM Legazpi kay Dr. Desiree Bricenio, National Immunization Program (NIP) Medical Coordinator ng nasabing tanggapan, sinabi nito na mas pinalakas nito ang pagbabakuna at kampanya sa bansa laban sa COVID-19.
Ayon kay Bricenio, wala namang pinagbago sa kanilang target population sa pagbabakuna, ngunit kailangan lamang na palawakin pa ang pagbabakuna sa mga Local Government Unit (LGUs).
Kinakailangang suyurin ng mga ito ang mga barangay at offices sa mga pribadong kompanya na hindi pa nagpapabakuna ng booster shots.
Target pa rin ng ahensya na mabakunahan ng booster shots ang lahat na age groups o priority groups.
Sinabi ng opisyal, ang nasabing aktibidad ay ginaganap na rin sa iba’t ibang rehiyon.
