Suportado ng Department of Health (DOH) angmungkahi na i-legalize ang importation ng second-hand clothes o “ukay-ukay” dahil magtitiyak umano ito na ang produkto ay ligtas at may kalidad.
Ang pahayag ni DOH Officer-in-Charge Maria Rosario Vergeire, ay matapos imungkahi ang naturang hakbang ni Senator Raffy Tulfo.
Paliwanag ni Vergeire, na kung gagawing legal ang naturang trade, nagkakaroon na ng standards para dito, kung saan papasok na ito sa institutionalized system, magkakaroon ng mga pamantayan para ma check kung magiging safe ito para sa populasyon.
Para sa health official, ito rin ay isang paraan para mapigilan ang pagpasok ng posibleng infectious disease sa bansa, dahil titiyakin nang ang mga produkto ay ligtas para sa mga tao, sa oras na mabili nila ito.
