Ginkondina it West Visayas State University (WVSU) Student Council ro pila ka mga estudyante it College of Law sa nasambitan nga institusyon ro pagturo ni First Lady Lisa Araneta Marcos bilang law professor.
BAse kanda, dapat protektahan ag indi pagsugtan nga mataw-an it platform ro mga Marcos nga maisakatuparan ro andang disinformation campaign.
Maliban pa dikara, nagpost sa official Facebook page it student council ro pila ka mga College of Law students nga ginakondina ro pagturo ni First lady Marcos sa anda paagi sa pagpirma it sambilog ka petisyon.
Gintaw-an it bug-at it grupo nga ro pagbaton it aplikasyon ni First lady Marcos agud magturo sa WVSU hay nagasalungat sa pagpati it legal profession, bangud ro mga Marcos hay may mahaba nga rekord it graft and corrupt, pag-eapas sa kinamatarong it tawo, ag maabo pa nga iban./JIL B. LACSON
