Isinugod sa ospital ang isang Sonny Garate Rosas; 52 matapos na hatawin ng martilyo sa ulo madaling araw ngayong Huwebes sa Employees Village, Barangay Sta. Monica, Puerto Princesa City.
Kinilala ng PNP ang suspek na si Ryan Cabrera Aguila; 32 anyos, construction worker, parehong mga residente sa Employee Village.
Base sa imbestigasyon ng Police Station 2, bago ang insidente ay nag- inuman ang biktima at suspek na humantong sa pagtatalo hanggang sa hinataw na ni Ryan sa ulo si Sonny gamit ang martilyo ng ilang beses.
Narekober sa crime scene ang martilyong ginamit.
Samantala, ang suspek ay nahuli at nahaharap na sa kasong Frustrated Homicide.
