NAKIGTAGBO kang GenSan Mayor Lorelie Pacquaio ang Philippine Red Cross Administrator nga si Merlita Gludo ug gipresenta niini ang mga programa ug plano sa Red Cross GenSan alang sa publiko.
Dungan sa pagbisita ni Gludo iyang gitunol ang sertipikasyon isip pagpasalamat sa Mayor sa pagsuporta niini sa nahuman nga Regional Water and Sanitation Hygiene o (WASH) Emergency Training kaniadtong Hulyo 14 hangtod 18 sa kasamtangan nga tuig.
Gilauman ni Gludo nga daghan pa nga aktibidad ang ilang mabuhat nga suportahan sa administrasyon ni Mayor Pacquiao tungod wala silay laing tumong kundili ang pagtabang sa mga nagkinahanglan.
Gikalipay niini ang partisipasyon sa mga kaubanan nga opisyal sa Red cross tungod pinaagi sa ilang tabang malamposon ug hapsay ang mga aktibidad sa ilang opisina. I Enamie Mogpon
