Nauli sa areglo ru kasong homicide ag frustrated homicide sa suspek sa pagbaril sa mag-ama sa Brgy. Biga-a, Malinao matapos mag kaeasugot ru kada panig.
Base sa pahayag it Malinao MPS, uwa eon mag pasaka it kaso ru pamilya it biktima dahil sa mag-aeamigo eamang ag mag kaeapit baeay ru suspek ag biktima.
Gin release eon sa kustodiya it Malinao MPS ru suspek nga si Ronnie Naig, 56 anyos it nasambit nga lugar.
Samtang, naga pabilin nga gina bueong ru menor de edad sa hospital.
Uwa pa nakataeana ru eobong ag presenting gina lamayan pa ru ama nga si Jimmy Gregorio nga binaril patay it suspek.
Sa makaron, hay sarado eon o nasolba eon ru kaso sa tunga it biktima ag suspek.//MARIVIC Y. ILIN
