GITURN-OVER ni GenSan Mayor Lorelie Pacquaio ang usa ka unit sa police patrol car alang sa Aviation Security Unit-12 (AVSEU) aron magamit kini sa kapulisan sa pagbantay sa seguridad sa airport area.
Matud ni PCol. James Allan Logan, labaw sa AVSEU-12 sila ang bugtong unit sa kapulisan nga nagamonitor sa seguridad sa airport ug dako nga tabang alang kanila ang gihatag nga sakyanan sa LGU- GenSan.
Mao kini ang pinakaunang patrol car nga nadawat sa Aviation Security Unit gikan sa lokal nga panggamhanan.
Mapasalamaton ni Logan kang Mayor Pacquiao ug gibutyag niini nga maningkamot ang ilang unit aron mabantayan ang seguridad sa mga tawo. Nanawagan kini sa publiko nga padayong makigtinabangay kanila aron mamintinar ang kahapsay ug kalinaw sa syudad. I Enamie Mogpon
