NAGA CITY- 1, 500 na karagdagang pulis na ang ini-request ng Naga City Police Office (NCPO) sa Police Regional Office 5 para sa Peñafrancia Festival 2022.
Ito ang kinumpirma ni City Events Protocol and Public Information Office (CEPPIO) Chief Allen Reondanga matapos ang serye ng mga pagpupulong kaugnay ng pinakamalaking religious event sa Bicol na siyang biggest Marian event sa Asya.
Inaasahan kasi ng LGU Naga na dadagsain ang okasyon matapos ang dalawang taon na hindi nagawa ang malalaking aktibidad. Kailangan ang pulisya sa pagpapanatili ng kapayapaan, crowd control at pagpapasunod ng health protocols.
Sinabi ni Reondanga na kinukulit na sila ng mga Bicolano sa ibang bansa at mga nasa ibang rehiyon ukol sa kalendaryo ng mga aktibidad para makapag paschedule ng pag-uwi.
Kabilang sa mga highlight ang Miss Bicolandia na gaganapin sa September 7; September 9 ang Penafrancia Traslacion, September 16 ang Bicol Regional Military Parade Band/Majorettes Exhibition habang sa September 17 ang Fluvial Procession.
