NAGA CITY- Nakaranas ng pagbaha ang Baao , Camarines Sur nitong Sabado dahil sa halos maghapong ulan.
Mahirapang makadaan ang mga motorista sa poblacion, apektado ang Barangay Sta. Teresita at Barangay San Isidro. Ang baha naging ilog para mga bata, pero perwisyo sa mga motorista.
Sa pag-iikot ng Environment Disaster Management and Emergency Response Office (EDMERO) napag-alaman mula sa team CamSur EDMERO FireSar na mga sanga ng mga pinutol na kahoy ang rason, nakaharang ang mga ito sa drainage kasama ang kawayan at mga basura, dahil dito umapaw ang tubig patungo sa kalsada.
Pasado alas-5 ng hapon nang humupa ang baha.
